МИНИЙХ

Ургаж төлжихийн, цэцэглэж нахиалахын төлөө дээш тэмүүлсэн дэлхий ертөнц, хавар цаг аа гэж.

      Сүүлчийн цас, анхны бороо зүрх сэтгэлд минь дурсамж үлдээнэ. Өнөө өглөө магадгүй энэ жилийн сүүлчийн цас, харин маргааш анхны бороо орох ч юм бил үү.
Цас бороо холилдон байна хавар юм байх гэж нэг шүлэг ч билүү захидал байдаг даа.

           Тиймээ, гэгэлзээд л...

 Дэлгэрэнгүй»

Өнөөдөр ер бусын өдөр. Дөнгөж орж ирээд PC-гээ асаатал цахим шууданд маань эзнээ хүлээж ядсан шинэ захидал анивчина. Цөөн хэрнээ маш гайхамшигтай үгсийг дайсан тэр захидлын мөрөөр нэгэн блог руу яаран дөтлөв. Тэр үнэхээр миний бодож байсан шиг, түүнээс ч илүү гайхамшигтай хүн юм. Өчигдөр орой миний илгээсэн захидлыг яг над шиг ингэж яаран уншсан гэдгийг би сайн мэдэж байна.  Дэлгэрэнгүй»

УДИРТГАЛ

Монгол Улс социалист нийгмээс ардчилсан нийгэмд шилжиж дэлхийн улс орнуудтай нээлттэй харилцаж, мэдээлэл харилцааны орчин харьцангуй чөлөөлөгдсөнөөр сэтгүүлзүйн салбарт олон том өөрчлөлт гарчээ.

Үүний нэг илрэл нь PR-ийн хурдацтай хөгжил юм. Мэдээллийн олон сувгаар дамжуулан цаг, минут, секунд тутамд уншигч, үзэгч, сонсогчтой харилцаж, тэр хэмжээгээр мэдээлэл түгээж байгаа өнөөгийн нөхцөлд хэнд зориулсан, нийгмийн аль хэсэгт хамааралтай, ямар зорилготой мэдээллийг хэзээ, ямар хэлбэрээр хүргэх вэ гэдгээ мэдрэх нь чухал ач холбогдолтой.

 Дэлгэрэнгүй»

                Эмбүүлэй нь нэг алдаандаа дүгнэлт хийлээ. Дэлгэрэнгүй»

       Би бодохдоо... гэж уг нь монгол хэлэнд нэг өгүүлбэрт нэг үндэстэй үйл үгийг давтан хэрэглэх нь алдаа л даа. Гэхдээ би бодохдоо... г бичмээр санагдаад олон хонолоо. Сургуулиа төгсчихөөд бичсэн нь дээр гэж бодсон юм. Харин өнөөдөр бол болж байна аа, хамгаалуулах зөвлөлийн хуралд орчихоод гарч ирээд сууж байна. 

Би бодохдоо Либерти бол гайхамшигтай гоё эрдмийн орчин гэж боддог.

Би бодохдоо Дэлгэрмаа захирлыг харагдаж байгаа шигээ, ярьж байгаа шигээ зарчимч хүн гэж боддог.

Би бодохдоо Чимгээ эгчийг захирлын орлогч юм байна гэж боддог. 

Би бодохдоо Хэрлэн багшийг ангийн охин гэж тооцмоор байдаг, тэр даанч англи хэл заадаг.

 Дэлгэрэнгүй»

       Шинэ өглөөний тунгалаг нарны мишээлтэй хамт чин сэтгэлийн үнсэлт бэлэглэж мэндчилье.  Дэлгэрэнгүй»

          Хүний ертөнцөд, энэ дэлхийд түр буудаллаж байгаа юм. Буурчийн газар хоног төөрүүлэн орчлонгоор нэг хэрэн тэнэж явдаг бадарчин лугаа нэгэн аялагч орчлонд түр саатан буй нь энэ. Энэ орчлонд, энэ насны амьдралд саатаж буй урт богино нь үл мэдэгдэх энэ цаг хугацаанд ч би аялсаар. Хүний сэтгэлээр, интернэт хэмээх хязгааргүй орон зайгаар, эх орноороо, энэ дэлхийгээр аялсаар л. Дэлгэрэнгүй»

          “Баярлалаа” гэж зүгээр л жижүүрийн үг ч юм шиг байнга л хэлдэг. “Уучлаарай” энэ үгийг ч бас. Гэхдээ уг нь чин сэтгэлийнхээ гүнээс баярлаж, тэр л мэдрэмжээ тогтоон барьж ядахдаа баярлалаа гэж хэлээд хэн нэгний гарыг чанга атгаж, эсвэл цээжиндээ наан тэврэх үүнээс тэс өөр зүйл. Хэн нэгний өмнө буруу үйл хийсэн атлаа зүгээр л өлмий, өсгий шүргэсэн мэт уучлаарай гэж хэлэх төдийхнөөр өнгөрөөх ч бас харамсалтай. Жил жилийн төгсгөлд, шинэ жилийн баярын өмнөх өдрүүд нэг л тийм гэгэлгэн, баяртай ч юм шиг, бас зөөлөн будрах цагаан цасан адил хөнгөн гунигтай болчихдог юм. Өнөөдөр арванхоёрдугаар сарын 28. Дэлгэрэнгүй»

        Амьдралын минь алтан хором аажуухан урсч аз жаргал, хайр энхрийлэл, гуниг баяр дундуур хараа дээгүүр, сэтгэл тэнүүн алхаж яваа эгэл жирийн нэг эмэгтэйн ажлын өдөр охиныхоо гэзгийг самнахаас эхэлдэг, үнэн л тэр. Өглөө эртлэн босоод гал тогоондоо халбага шанага дуугарган, миний буцалгаж өгсөн аарц, сүүг хамрынхаа хөлсийг бурзайлган оочилж, хажуугаар нь бас ээжийгээ магтаж, өмсч зүүх энэ тэрд маань зөвлөх санаатай хошуу нэмэх жижигхээн охиноо хараад өөрийн эрхгүй сэтгэл нялхарна.  Дэлгэрэнгүй»

           2011 оны намар дуусч байна. Намрын намарт шаргал навчис туучин алхаж, хааяахан гуниглаж, бас шүлэг бичиж, хэн нэгнийг дурсч, эсвэл дурлаж чухам л романтик өнгөрөөдөгсөн. Харин энэ намар үнэндээ тийм зав гарсангүй. Нэг харах нь ээ, модод бараг л нүцгэрч дуусаад, анхны цас аль хэдийнэ орсон байх юм. Өглөө, оройд нэлээд хүйтэрч Богд уулын орой цайран харагдах энэ л өдөр, нээрээ энэ намар ямар хурдан өнгөрчихөв өө, юу амжуулсан билээ дээ гэх бодол зурсхийв. Дэлгэрэнгүй»

Өнөөдөр есдүгээр сарын 1. Өнгө өнгийн бөмбөлөг, амьд цэцэгс алагласан, энхрий нялх үрсийн инээд цалгисан Эрдмийн баярын өдөр. Жижигхэн Эмбүүш том болж сургуульд орлоо. Өчигдөр орой нойр нь хүрэхгүй, бид хоёр унтахаас нь өмнө сургууль ямар байдаг тухай баахан ярилцав. Харин өглөө эрт гэгч нь сэрчихээд намайг дуудаад “Та цэцэрлэгээс хоцроодог байсан шигээ сургуулиас битгий хоцроогоорой, багш загнана” гээд л үглээд... Дэлгэрэнгүй»

         Саяхан нэг найзтайгаа аяллын тухай ярилцсан юм. Сайндаа ч биш л дээ, “Гранд”-ын Баттөрийн охины товчхон ярилцлагыг сэтгүүлээс хараад л, түүний мөрөөдлийн аялал нь Венец гэнэ.
          Нээрээ Венецээр аялах юмсан гэж, тэгэхдээ бүр надад ухаангүй дурласан, намайг гэргий минь болооч гэж гуйх тэр хүнтэй хамт энэ хотын гудамжаар хосуудын усан завиар зугаалах тухай мөрөөдөж байсан тэр балчирхан насаа санадаг юм байна. Дөнгөж л интернэт ашиглаж сураад, өдөр шөнөгүй сонин сайхан мэдээлэл хайн цахим хуудсуудаар хэсч явахдаа энэ хотын тухай анх сонирхон уншиж байсан юм. Тэр үед ийм бол гоё байх даа гэсэн нэг төсөөлөл орж ирснийг санасан хэрэг л дээ.
          Зүүд хааяа өнгөтэй байдаг шиг, энэ мөрөөдөл жинхэнэ өнгөтөөрөө санаанд орж байх чинь. Хосуудын завиар хотын гудамжаар зугаалж, давалгааны сэлүүр цохих бүгэтхэн чимээ сонсогдож, задгай үс салхинд дэрвэлзэн нүүр хүзүү сэрвэгнүүлж, наран шингэх үест эртний хийцтэй барилгууд дээр шаргал туяа тусч ямар үзэсгэлэнтэй харагдах бол. Би, уруулаа час улаан өнгөөр будсан, түүний гар дахь сүйн бөгжний хайрцаг яг миний уруулын өнгөтэй.  Дэлгэрэнгүй»

            Хэзээ, хаана, хэн байх вэ гэдгээ мэдэх нь өнөөгийн хурдтай нийгэмд хамгийн чухал. Энэ миний ажил, амьдралдаа аль болох баримтлах гэж хичээдэг зарчим л даа. Ажил дээр ийм байж чадвал, хүмүүст аль болох зөв харагдаж, тэр хэрээрээ амжилт ойрхон байх шиг санагддаг юм.
Харин хувийн амьдрал, хайр дурлал, найз нөхөрлөлийн харилцаандаа ч бас л ийм байхаас аргагүй үе ирэх юм даа. Аливааг хэтрүүлэлгүйгээр байх ёстой түвшинд нь барьж чадалгүй, сайханд нь шунасаар яваад төгсгөл рүү нь, бүр таагүй хэсэг рүү нь эргэлт буцалтгүй алхаад орчихож боломгүй. Тийм ч болохоор зарим үед өөрөө өөртөө, үзэл бодолдоо эзэн байж, эргээд алхаж чаддаг байх нь хамгийн зөв байх.  Дэлгэрэнгүй»

...-Энэ чинь харин ч зөв менежмент болчихлоо, хүлээхээс өөр аргагүй... - Дэлгэрэнгүй»

Би өдөрт хэдэн удаа цаг агаарын мэдээ хардаг, интернэтээс. Гэхдээ зун л ингэдэг юм л даа. Өвөл бол цаг агаарын мэдээ шиг надад хамаагүй юм байхгүй. Цаг агаарын мэдээ харах болгондоо “бороо ороосой” гэсэн бодол өөрийн мэдэлгүй орж ирнэ. Ашгүй, энэ зун миний хүссэнээр бороотой, бүрхэг өдөр цөөнгүй байна.
Яг одоо ч гэсэн үүлэрхэг, оройхон бороо орох байх, ороосой.
           Гэхдээ шиврээ намуун бороо орж, гэзэг үсийг минь норгоход нэг тийм намуухан уянга чихэнд сонсогдоод байгаа юм шиг, эргэн тойрны юм бүхэн өнгө орчихсон ч юм шиг сэтгэл хөнгөрөөд явчихдаг юм. Бас гудамжаар зөрж өнгөрөх шүхэргүй бүсгүйн даашинз нэвт нороод биеийнх нь галбир улам тодорсон байхыг эр хүн шиг шуналтайяа ажиглаж, бурхан бүсгүй хүн бүхэнд гоо үзэсгэлэнг харамгүй хайрласныг улам ихээр мэдэрдэг. Дэлгэрэнгүй»